ഭയം, ഉത്കണ്ഠ, പ്രോത്സാഹനം എന്നിവയ്ക്കുള്ള ബൈബിൾ വാക്യങ്ങൾ

“ഒന്നിനെക്കുറിച്ചും വിചാരപ്പെടരുതു; എല്ലാറ്റിലും പ്രാർത്ഥനയാലും അപേക്ഷയാലും സ്തോത്രത്തോടെ നിങ്ങളുടെ അപേക്ഷ ദൈവത്തോടു അറിയിക്കുവിൻ. എന്നാൽ സകലബുദ്ധിയെയും കവിയുന്ന ദൈവസമാധാനം ക്രിസ്തുയേശുവിൽ നിങ്ങളുടെ ഹൃദയങ്ങളെയും ചിന്തകളെയും കാക്കും.”

“നിങ്ങളുടെ ചിന്താഭാരമെല്ലാം അവന്റെമേൽ ഇട്ടുകൊൾവിൻ; അവൻ നിങ്ങളെക്കുറിച്ചു കരുതുന്നുവല്ലോ.”

“ആകയാൽ നാളെയെക്കുറിച്ചു വിചാരപ്പെടരുതു; നാളത്തെ ദിവസം തനിക്കുവേണ്ടി വിചാരപ്പെടുമല്ലോ.”

“ഞാൻ നിന്നെ ഒരുനാളും കൈവിടുകയില്ല, ഉപേക്ഷിക്കയുമില്ല.”

“എന്റെ അപ്പനും അമ്മയും എന്നെ ഉപേക്ഷിച്ചാലും യഹോവ എന്നെ ചേർത്തുകൊള്ളും.”

“ഞാൻ നിങ്ങളെ അനാഥരായി വിടുകയില്ല; ഞാൻ നിങ്ങളുടെ അടുക്കൽ വരും.”

“ഞാൻ സമാധാനത്തോടെ കിടന്നുറങ്ങും; യഹോവേ, നീ ഒരുത്തൻ മാത്രമല്ലോ എന്നെ നിർഭയമായി വസിക്കുമാറാക്കുന്നതു.”

“ഇതാ, യിസ്രായേലിനെ പരിപാലിക്കുന്നവൻ ഉറങ്ങുകയില്ല, നിദ്രകൊള്ളുകയുമില്ല.”

“യേശു കണ്ണുനീർ വാർത്തു.”

“ഹൃദയം നുറുങ്ങിയവർക്കു യഹോവ സമീപസ്ഥൻ; മനസ്സു തകർന്നവരെ അവൻ രക്ഷിക്കുന്നു.”

“അവൻ അവരുടെ കണ്ണിൽനിന്നു കണ്ണുനീർ ഒക്കെയും തുടെച്ചുകളയും; ഇനി മരണം ഉണ്ടാകയില്ല; ഇനി ദുഃഖവും മുറവിളിയും വേദനയും ഉണ്ടാകയില്ല; ആദ്യത്തേതു കഴിഞ്ഞുപോയി.”

“അദ്ധ്വാനിക്കുന്നവരും ഭാരം ചുമക്കുന്നവരുമായ ഏവരും എന്റെ അടുക്കൽ വരുവിൻ; ഞാൻ നിങ്ങളെ ആശ്വസിപ്പിക്കും.”

“യഹോവയെ കാത്തിരിക്കുന്നവരോ ശക്തി പുതുക്കിക്കൊള്ളും; അവർ കഴുകന്മാരെപ്പോലെ ചിറകടിച്ചുയരും; അവർ ഓടിയാലും തളരുകയില്ല; നടന്നാലും ക്ഷീണിക്കയില്ല.”

“ദൈവം നമ്മുടെ സങ്കേതവും ബലവും ആകുന്നു; കഷ്ടങ്ങളിൽ അവൻ ഏറ്റവും അടുത്ത തുണ തന്നേ.”

“പൂർണ്ണഹൃദയത്തോടെ യഹോവയിൽ ആശ്രയിക്ക; നിന്റെ സ്വന്തവിവേകത്തിൽ ഊന്നരുതു. നിന്റെ എല്ലാവഴികളിലും അവനെ നിനെക്ക; എന്നാൽ അവൻ നിന്റെ പാതകളെ നേരെയാക്കും.”

“നിങ്ങളിൽ ഒരുവന്നു ജ്ഞാനം കുറവുണ്ടെങ്കിൽ, എല്ലാവർക്കും ഉദാരമായി കൊടുക്കയും ശകാരിക്കാതിരിക്കയും ചെയ്യുന്ന ദൈവത്തോടു യാചിക്കട്ടെ; അവന്നു ലഭിക്കും.”

“സമാധാനം ഞാൻ നിങ്ങൾക്കു വിട്ടേച്ചുപോകുന്നു; എന്റെ സമാധാനം തന്നേ ഞാൻ നിങ്ങൾക്കു തരുന്നു; ലോകം തരുന്നതുപോലെയല്ല ഞാൻ നിങ്ങൾക്കു തരുന്നതു. നിങ്ങളുടെ ഹൃദയം കലങ്ങരുതു, ഭയപ്പെടുകയും അരുതു.”

“ഞാൻ മരണനിഴലിന്റെ താഴ്വരയിൽകൂടി നടന്നാലും ഒരു ദോഷവും ഭയപ്പെടുകയില്ല; നീ എന്നോടുകൂടെ ഇരിക്കുന്നുവല്ലോ.”

“മരണത്തിനോ ജീവനോ ദൂതന്മാർക്കോ വാഴ്ചകൾക്കോ ഇപ്പോഴുള്ളതിനോ വരുവാനുള്ളതിനോ ശക്തികൾക്കോ ഉയരത്തിനോ ആഴത്തിനോ മറ്റു യാതൊരു സൃഷ്ടിക്കോ നമ്മുടെ കർത്താവായ ക്രിസ്തുയേശുവിലുള്ള ദൈവസ്നേഹത്തിൽനിന്നു നമ്മെ വേർപിരിപ്പാൻ കഴിയുകയില്ല എന്നു ഞാൻ ഉറച്ചിരിക്കുന്നു.”

“ക്രിസ്തു നാം പാപികളായിരിക്കുമ്പോൾ തന്നേ നമുക്കുവേണ്ടി മരിച്ചതിനാൽ ദൈവം നമ്മോടുള്ള തന്റെ സ്നേഹത്തെ തെളിയിക്കുന്നു.”