భయం, ఆందోళన & ప్రోత్సాహం కోసం బైబిలు వచనాలు

“దేనిగూర్చియు చింతపడకుడి; ప్రతి విషయములోను ప్రార్థనవిజ్ఞాపనములచేత కృతజ్ఞతాపూర్వకముగా మీ విన్నపములు దేవునికి తెలియజేయుడి. అప్పుడు సమస్త జ్ఞానమునకు మించిన దేవుని సమాధానము క్రీస్తుయేసు ద్వారా మీ హృదయములకును మీ తలంపులకును కావలి యుండును.”

“ఆయన మీ విషయమై చింతించుచున్నాడు గనుక మీ చింత యావత్తు ఆయనమీద వేయుడి.”

“రేపటిని గూర్చి చింతింపకుడి; రేపటి దినము దాని సంగతులను గూర్చి చింతించును.”

“నిన్ను ఏమాత్రమును విడువను, నిన్ను ఎన్నడును ఎడబాయను.”

“నా తలిదండ్రులు నన్ను విడిచినను యెహోవా నన్ను చేర్చుకొనును.”

“మిమ్మును అనాథలనుగా విడువను; మీయొద్దకు వత్తును.”

“ప్రశాంతమైన మనస్సుతో పండుకొని నిద్రపోవుదును; యెహోవా, నీవు మాత్రమే నన్ను సురక్షితముగా నివసింపజేయుచున్నావు.”

“ఇశ్రాయేలును కాపాడువాడు కునుకడు, నిద్రపోడు.”

“యేసు కన్నీళ్లు విడిచెను.”

“నలిగిన హృదయముగలవారికి యెహోవా సమీపముగా ఉన్నాడు; నలిగిన మనస్సుగలవారిని ఆయన రక్షించును.”

“ఆయన వారి కన్నుల ప్రతి బాష్పబిందువును తుడిచివేయును; ఇకమీదట మరణముండదు; దుఃఖమైనను ఏడ్పయినను వేదనయైనను ఉండదు; మొదటి సంగతులు గతించిపోయెను.”

“ప్రయాసపడి భారము మోయుచున్న సమస్తజనులారా, నాయొద్దకు రండి; నేను మీకు విశ్రాంతి కలుగజేతును.”

“యెహోవాకొరకు కనిపెట్టువారు నూతన బలము పొందెదరు; వారు పక్షిరాజులవలె రెక్కలు విప్పుకొని పైకి ఎగురుదురు; అలసి సొమ్మసిల్లక పరుగెత్తుదురు, ఆయాసపడక నడిచిపోవుదురు.”

“దేవుడు మనకు ఆశ్రయమును దుర్గమునై యున్నాడు, ఆపత్కాలములో ఆయన నమ్ముకొనదగిన సహాయకుడు.”

“నీ పూర్ణహృదయముతో యెహోవాయందు నమ్మికయుంచుము; నీ స్వబుద్ధిని ఆధారము చేసికొనవద్దు. నీ ప్రవర్తనయంతటియందు ఆయనను తలంచుకొనుము, అప్పుడు ఆయన నీ త్రోవలను సరాళముచేయును.”

“మీలో ఎవనికైనను జ్ఞానము కొదువగా ఉన్నయెడల, నిందింపక అందరికి ధారాళముగా అనుగ్రహించు దేవుని అడుగవలెను, అప్పుడది అతనికి అనుగ్రహింపబడును.”

“శాంతి మీకనుగ్రహించి వెళ్లుచున్నాను; నా శాంతినే మీకనుగ్రహించుచున్నాను; లోకము ఇచ్చునట్టుగా నేను మీకనుగ్రహించుటలేదు. మీ హృదయమును కలవరపడనియ్యకుడి, వెరవనియ్యకుడి.”

“గాఢాంధకారపు లోయలో నేను నడిచినను అపాయమునకు భయపడను; నీవు నాతోకూడ ఉన్నావు.”

“మరణమైనను జీవమైనను దేవదూతలైనను ప్రధానులైనను అధికారులైనను ప్రస్తుతములో ఉన్నవైనను రాబోవుచున్నవైనను ఎత్తయినను లోతయినను సృష్టింపబడిన మరి ఏదైనను, మన ప్రభువైన క్రీస్తుయేసునందలి దేవుని ప్రేమ నుండి మనలను ఎడబాపనేరవని రూఢిగా నమ్ముచున్నాను.”

“అయితే మనమింకను పాపులమైయుండగానే క్రీస్తు మన కొరకు మృతిపొందుటచేత దేవుడు మనయెడల తన ప్రేమను విశదపరచుచున్నాడు.”